Мутахассислар фикрига кўра бронхиал астма, аллергик ринит ёки атопик дерматит билан оғриган одамлар гиламдан фойдаланишлари мумкин.
- Гилам калта юнгли синтетик материалдан тайёрланган бўлиши керак.
Бугунги кунда аксарият гиламлар полиестер ва нейлон каби синтетик толалардан тайёрланмоқда. Аллергенлар бундай гиламларда ўзларини ноқулай ҳис қиладилар: бундай гиламлар намликни ўзига яхши сингдирмайди ва уни узоқ вақт ушлаб тура олмайди, шунинг учун улар устида моғор пайдо бўлмайди ва чанг тез қурийди. Уй чанги таркибидаги каначаларни гиламдан чангютгич ёрдамида осонгина тозалаш мумкин. Аммо уй чанги каначалари учун узун юнгли гиламлар энг яхши яшаш жойидир: улар иссиқ ва қулай.
Аммо сиз ҳали ҳам юнгли гиламларни афзал кўрсангиз, узун толали гиламлардан воз кечинг: толалар қанчалик қисқа бўлса, ундаги аллергенлар миқдори шунча кам бўлади. - Гилам таркибида учувчи органик бирикмалар кам бўлиши керак
Шуни ҳам ёдда тутиш керакки, кўпинча гиламларга дезинфекциялаш учун турли хил кимёвий моддалар, хусусан, формалдегид ва бензол каби учувчи органик бирикмалар билан ишлов берилади. Формалдегид аллергик контакт дерматитга, шунингдек, кўзларнинг қичишишига олиб келиши мумкин. Бундан ташқари, бу моддалар ҳавога кўтарилиб, аллергик касалликларнинг кучайишига ёрдам беради. - Гилам табиий маҳсулотлардан тайёрланган бўлиши ҳам мумкин.
Толалардан ташқари, гиламда каноп ёки пахта каби табиий материаллардан фойдаланилган бўлиши мумкин. Аллергик беморлар учун табиий маҳсулотлардан тайёрланган гиламлар ҳам тавсия этилади.
Қайси гиламни танласангиз ҳам уни доимо аллергенлардан тоза ҳолда сақлашга ҳаракат қилинг. Энг янги авлод HEPA фильтрли чангютгичлар, гилам учун махсус гипоаллерген шампунлар бу борада сизга ёрдам беради!
✉️Ўз фикрларингизни изоҳларда қолдиринг!
📞 +99 871 214 55 03
📞 +99 878 150 96 49
📍Манзил: Тошкент шахри, Олмазор тумани, янги ТошМИ 8-бино, 1-қават.